Datapanik ta un banda di Aruba. Nan ta kombiná muzik tradishonal arubano ku muzik moderno. Bishitá nan wèpsait pa mas informashon, muzik i vidio òf chèk nan muzik riba iTunes.
Riba e página akí bo por mira i skucha 4 kantika. Disfrutá di nan!
1. Datapanik – Pal’i koko
Pal’i koko ‘na mi un koko pa mi kita mi set.
Kita mi set [4x]
Fo’i trempan den kurá
Garosh’i koko ta kla
Pa subi kaya kore bai laman
Fo’i trempan den kurá
Pal’i koko ta zuai
Ta tantu koko ya a sali kai
Promé ku solo sali
Mi t’ei planta den kurá
Naturalesa protehá
Promé ku solo sali
Mi ta vibe den mi kurá
Bou’i pal’i koko sinta reflehá
Style di kunukero
Sombré ku wayabero
Kla pa subi kaya
San Nicolas te Playa
Dal kasèt di Suave pa mi kuminsá
Subi pal’i koko baha koko pa mi set
Pal’i koko ‘na mi un koko pa mi kita mi set.
Kita mi set. [4x]
Anochi a sera tur hende a yega
Bou’i palu tin ko’
Un style krioyo
Mix eléktriko
Check e sound
Check e system
Chek un drinks tambe awó
Sí, aw’i koko tin pa tur akifó
Sí, ora solo bai
Bou’i palu di koko nos ta vibe
Hasta dos wega di domino ta kai
Te ora solo sali
Bou’i palu di koko nos ta vibe
Vibe vibe vibe krioyo style
Style di kunukero
Sombré ku wayabero
Kla pa subi kaya
San Nicolas te Playa
Dal kasèt di Suave pa mi kuminsá
Subi pal’i koko baha koko pa mi set
Pal’i koko ‘na mi un koko pa mi kita mi set.
Kita mi set. [4x]
2. Datapanik – Hend’i tur hende
Bo sa dikon mi ta hañ’é hopi hopi bon? Pasó mi ta un…Bo mes sa, basta edat den bosonan ku ta yòn
i kiko nos ta tokando? E ritmonan di e hendenan di hopi promé ku mi i kos di bosonan ku ta di awó.
Hopi great, hmm tur hende ta keda great. Tur hende!
Ora dia amanesé, bida pa gosa
Tur hende meresé i mi ke wak bo
Ta hari, hari so, maner’ un kokolishi
Ku a forma dor di tempu
Esei ta bida, ku so tempu bon
Ku su tempu malu, mi n’ sa dikon
Ora awa yobe, yobe, yobe
Mi ta kòrda e dicho atrobe
Bida por ta bon si
Si bo wak su bon
Bida por ta malu
Si bo wak su malu
Pero nunka husga, e malu òf bon
Pasó asta e malu, por bira bon
Ta nos tur ta hende
Hende di isla
Hende bunita
Hende orguyoso
Ta nos tur ta hende
Hende humilde
Hende kontentu
Hende di tur hende
Pa kibr’é, n’ tin nada pa kibr’é [4x]
Wak mi, si ami den mi wowonan i den su profundidat
Bo n’ por wak e refleho òf di mi alma
Mi ta un kreashon, formá ku hopi amor
Un bendishon pa mundu, i ni maske kiko e dia ofresé
Esei ta bida, ku so tempu bon
Ku so tempu malu, mi n’ sa dikon
Ora awa yobe, yobe, yobe
Mi ta kòrda e dicho atrobe
Bida por ta bon, si
Si bo wak su bon
Bida por ta malu
Si bo wak su malu
Pero nunka husga, e malu òf bon
Pasó asta e malu, por bira bon
Ta nos tur ta hende
Hende di isla
Hende bunita
Hende orguyoso
Ta nos tur ta hende
Hende humilde
Hende kontentu
Hende di tur hende
Pa kibr’é, n’ tin nada pa kibr’é [4x]
Kurpa di tera i alma di puru pashon i kandela nos tin
Pueblo uní, […?] pan batí
Orguyo di isla mi tin
Riku na bida nos ta
Sanger kayente i melodianan lokal
Kada dia lanta ‘riba biba bida
Wak pafó i kòrda ken ami ta
3. Datapanik – Fuente
Fo’i fuente di dimenshon
Nobo ku ta habri
Bida ku ta bria
Ku su rayonan ferviente
Fuente iluminá mi
Fuenta ta guia mi
Fuente inspirá mi
Pasado transendente
Fuente t’e komienso
Fuente t’e kaminda
Fuente ta e forsa ku huntu nos ta biba
Famia t’un fuente
Kultura t’un fuente
Abo t’un fuente, presente
4. Datapanik – Claridad/Klaridat
‘Na mi sikiera un pida palabra
E restu mi mes ta forma, n’ ta nada
Hende n’ por biba full den skuridat
Mester tin lus, un poko klaridat
Nada n’ ta kai fo’i shelu pòrnada
Awa ta yobe pero t’abo n’ ta planta
Tur tempu malu tin nan skuridat
Fo’i tempestat ta nase klaridat
Kla-kla-klaridat [8x]
‘Na mi sikiera un pida palabra
E restu mi mes ta forma, n’ ta nada
Hende n’ por biba full den skuridat
Mester tin lus, un poko klaridat
Nada n’ ta kai fo’i shelu pòrnada
Awa ta yobe pero t’abo n’ ta planta
Tur tempu malu tin nan skuridat
Fo’i tempestat ta nase klaridat
Kla-kla-klaridat [8x]
‘Na mi un tiki di bo lus lus
Efekt di lus lus [12x]