E señora aki ta duna splicacion di su coleccion di cocolishi. Bou di e video bo por lesa e transcripcion. Tambe bo ta haya un lista di palabra. Bishita e Youtube Channel di 24ora pa wak mas video na Papiamento.

 

Cocolishi

 

Credits: 24ora

Mi tin ongeveer un 28 añaney ta coleccionando cocolishi(nan) na Aruba y mi tin masha hopi cocolishi mes y tambe bestia(nan) cu ta biba den y rond di lama.

Un y tur ta cordialmente invita pa pasa bishita mi coleccion. Si por, yama mi adelanta unda mi por set up full e coleccion door cu mi mester ward’e den un camber scur, sino e cocolishinan por perde nan colo; nan tin cuido special cu mester duna nan pa mi por mantene nan.

Anto mi number di telefoon ta 583, sorry, 5934585.

Señora conta nos, con esaki a cuminsa? Con señora a bini n’e [na e] idea?

Wel, e idea a bin cu mi yiu a yeg’i [yega di] trece un stukje cu el a traha na scol, cu su juffrouw a hiba nan piki cocolishi, anto pa trece cas pa nan oudersnan. [-> mayornan]

Anto semper mi yiu ta keda: “Ban piki, ban piki”. Pero nos a pasa un biaha net na e spot unda juffrouw a yeg’i hiba nan. Dus el a mustra mami: “eynan dus”.

M’a primintie cu nos lo bay un dia. Pa cumpli cu mi promesa, m’a invita full mi famia, nos a prepara jug cu sandwich.

Full e famia a bay pasa un dia leuk, agradabel, na e luga unda el a bay piki cocolishi, cu ta na Barcadera.

Dus djeynan nos a sigui busca busca, e interes a sigui, berdad, paso e cocolishinan ta hopi bunita pa sigui cu un coleccion.

Cuanto cocolishi señora tin n’e momentonan aki y cuanto aña señora tin esakinan caba?

Ongeveer 28 aña, pero e cantidad di cocolishi mi no por bisa, pero ta miles y miles. Masha hopi cocolishi mes, mi no por ni conta nan.

Ki tur tipo di cocolishi señora tin, ki tur tipo?

Mi tin tipo(nan) di cocolishi, manera tritons, tin clams, mi tin oysters, cangreu(nan), strea di lama, cabay di awa.

Mi tin tambe koraal(nan) bunita, dus mi tin masha hopi cos. Boca di tribon, mi tin chucho, mi tin ya, tur sorto di cos cu tin te maken cu lama.

Si personanan ta desea pa tuma contacto cu señora pa un exposicion, señora lo bay ta habri mas biaha cu no ta solamente e dianan di fiesta?

Sigur, no?! Por bel mi maske ta un dia prome na 5934585 y gustosamente lo mi set up e coleccion pa e personanan por bin wak.

 

 

 

Adelanta	Van tevoren
Agradabel	Prettig, aangenaam
Anto	En
Bishita	Bezoeken, bezoek
Busca	Zoeken
Cabay di awa	Zeepaardje
Cangreu	Krab
Cantidad	Hoeveelheid, aantal
Cocolishi	Schelp, slakkenhuis
Coleccion	Verzameling, collectie
Colecciona	Verzamelen
Colo	Kleur
Conta	Tellen, vertellen
Cordialmente	Hartelijk
Cuido	Zorg, verzorging
Cumpli	Een belofte nakomen, bereiken van leeftijd
Desea	Wensen
Djeynan / djey	Van daar(uit)
Eynan / ey	Daar
Gustosamente	Met genoegen
Hiba	Brengen, wegbrengen, meenemen
Lama	Zee
Luga	Plek, plaats, locatie
Mantene	Onderhouden
Maske	In deze context: op z’n minst. Normale context: hoewel, ofschoon, ook al
Miles	Duizenden
Mustra	Tonen, laten zien, aanwijzen
Ni	Niet eens, noch
Perde	Verliezen, kwijtraken
Piki	Oprapen, oppikken, plukken, ophalen
Primintie	Hem/haar/het beloven
Promesa	Belofte
Scur	Donker
Sigui	Doorgaan, verdergaan
Sino	En anders, maar (bij tegenstelling)
Solamente	Alleen, slechts
Strea di lama	Zeester
Trece	Brengen
Tribon	Haai
Tuma contacto cu	Contact opnemen met
Yeg’i	Wel eens + werkwoord

 

 

Menu

Dashboard