Kiko ta kiko? Esaki ta pa tur amante di nos idioma materno: charada na papiamentu. Nos a skohe algun charada fásil i prèt pa drecha bo dia. Esaki ta djis un kolekshon chikitu, tin mas na kaminda. Scroll pa lesa e kontestanan. Sigui nos via Instagram pa mas!
Klek aki pa lesa chiste na papiamentu
Tot nu toe werd je verwend met allerlei gratis materiaal over het Papiaments; van woordjes, uitdrukkingen, liedjes, quizzen tot taalweetjes en meer. En nu is het tijd voor iets nieuws, namelijk charada na papiamentu. Dat zijn raadsels in het Papiaments. Het oplossen van raadsels is een leuke manier om je brein extra te trainen. We hebben er een aantal voor je verzameld die qua zinsopbouw goed te volgen zijn voor een beginner. Scroll voor de oplossingen.
Charada
1. Kua seru bo no por subi?
2. Kiko bo por tene den bo man drechi, pero nunka den bo man robes?
3. Ken por bula mas altu ku un kas ariba ku abou?
4. Kiko mester ta kibrá pa bo por usa?
5. Tempu mi tabata mucha mi tabata largu. Awor ku mi ta bieu, mi ta kòrtiku. Kiko mi ta?
6. Dos tata i dos yu ta bai piska. Kada un ta piska un piská. Na kaminda pa kas nan no a pèrdè niun piská, pero tòg nan ta yega kas ku 3 so. Kon por ta?
7. Kuantu banda un bala di futbòl tin?
8. Mi tin dos wowo, pero mi no por mira. Mi tin dos pia, pero mi no por kana. Kiko mi ta?
9. Kuantu luna tin 28 dia?
10. E kos akí ta di bo, pero otro hende ta us’é mas ku bo mes. Kiko e ta?
↓ mas charada abou
11. Kiko bo ta mira den un minüt, den un siman i den bo man?
12. Mi ta loke mi ta tanten bo no sa kiko mi ta. Pero asina bo sa kiko mi ta, ya mi no ta loke mi tabata.
13. Kiko por para meimei di awa sin muha?
14. Tur hende tin e. Niun hende no por mishi kuné, ni pèrd’é. Kiko e ta?
15. Kiko ta bula sin ala?
16. Kiko ta mas pisá: un kilo di pluma òf un kilo di chumbu?
17. Djuni ta kana pafó sin pèchi, sin sombré, sin paraplü i sin regenyas. Tòg su kabei no ta muha. Kon por ta?
18. Kiko bo ta haña un biaha den misa, pero tres biaha den santana?
19. Kiko ta sali sin usa porta i baha sin usa trapi?
20. Mi ta doño di tur lèter pero mi mes tin 3 sílaba so.
21. Franklin tin 4 yu muhé. Kada yu muhé tin un ruman hòmber. Kuantu yu Frankil tin?
22. Mi mama tin un yu ku no ta mi ruman. Kon por ta?
23. Mi no ta un bestia, pero mi tin rabu sí. Bo por rei kiko mi ta?
24. Ku kiko tur kos ta kaba?
25. Mi tin skama pero mi no ta piská, mi tin korona pero mi no ta rei. Kiko mi ta?
26. Tres dòkter ta bisa ku Quincy ta nan ruman hòmber. Quincy ta bisa ku e no tin ruman hòmber. Ken ta gaña?
27. Bo ta mira mi un bia den luna, pero dos bia den aña. Kiko mi ta?
28. Kiko ta subi, pero nunka no por baha?
29. Duna mi ko’i kome i lo mi biba i sigui krese. Duna mi awa i lo mi muri. Kiko mi ta?
30. Tin 5 mucha den un kamber. Gino ta hungando Xbox, Tamara ta pintando, Raiza ta hungando dam i Aedan ta lesando un buki. Kiko Lisander, e di 5 mucha, ta hasiendo?
31. Kiko ta grandi den Amsterdam i chikitu den Hulanda?
32. David su mama tin tres yu; Mimi, Mami i …?
33. Nilo ta feita 14 biaha pa dia. Tòg su barba i mustashi ta keda meskos. Kon por ta?
34. Unda e mihó biña ta krese?
a. Fransia
b. Afrika
c. Spaña
35. Mi tin siudat, pero mi no tin hende. Mi tin seru, pero mi no tin palu. Mi tin awa, pero mi no tin piská. Kiko mi ta?
36. Mi tin kuater pia, pero mi no por kana. Bo por rei kiko mi ta?
37. Mi ta e ayera di mañan i e mañan di ayera. Kon ta mi nòmber?
38. Kuantu webu bo por hinka den un makutu bashí?
39. Semper mi ta bo dilanti. Den banda ni patras bo no ta haña mi. Kiko mi ta?
40. Mi ta yu hòmber di bo wela i tawela, pero mi no ta bo tio. Ken mi ta antó?
41. Promé ku a deskubrí Mount Everest, kua tabata e seru di mas altu?
42. Kiko ta pretu ora bo kumpr’é, kòrá ora bo us’é i shinishi ora bo tir’é afó?
43. Kiko tin kuater lèter, tin biaha ocho, pero nunka sinku lèter.
44. Ken por traha ora bo hinka dede den su wowo?
45. Kiko ta pèrdè su kabes mainta i ta hañ’é bèk anochi?
46. Sintá den un huki mi por biaha rònt mundu. Kiko mi ta?
47. Mi ta habri ora áwaseru ta kai i sera ora e stòp di kai.
48. Kiko tin 4 dede i un dùim, pero no ta hala rosea ni por move?
49. Tin tres frishidèr banda di otro.
E promé ta blanku
E di dos ta blanku
E di tres ta blanku.
Baka ta bebe … ?
50. Mi por bula i mi por pèrdè. Mi ta bo amigu i bo enemigu. Sin mi bo no por biba. Kiko mi ta?
51. Bo dilanti tin un leon i bo tras tin un Jaguar. Bo tin un pistol den bo man, pero a sobra un bala so. Kiko bo ta hasi?
52. Un hòmber den un outo ta para na final di kaminda. Su dilanti tin un porta di oro, un porta di plata i un porta di bròns. Kua porta e ta habri promé?
53. Kiko ta siegu, surdu i muda pero ta papia bèrdat semper?
54. Un pa un seis amigu ta drenta trein na Amsterdam. Despues di bintishete minüt nan ta yega Utrecht, nan destinashon. Kuant’or nan a drenta trein?
55. Mi tin 21 wowo pero mi no por mira. Kiko mi ta?
56. Tin tres edifisio na kandela: un kas, un banko i un biblioteka. Kua kandela ambulans ta bai paga promé?
57. Si ta dura 10 minüt pa herebé 1 webu, kuantu ta dura pa herebé 3 webu?
58. Kiko tur karpinté tin na nan man robes?
59. Tempu ku mi tabatin 6 aña mi ruman muhé tabatin 3 aña. Awor mi tin 60. Kuantu aña mi ruman muhé tin?
60. Mi no ta na bida, pero mi por krese. Mi no tin pulmon pero mi tin mester di aire. Kiko mi ta?
61. Tin un bòm riba un kòmpiuter. Na man robes di e kòmpiuter tin un telefòn i dos buki, na man drechi tin un kòpi i un vas. Kua opheto e eksploshon ta destruí promé?
62. Carlos ta un yònkuman di kasi 2 meter. E ta traha na un karniseria hopi popular. E ta bisti sais XXL. Su kètsnan ta sais 46. Kiko e ta pisa?
63. Tin un palabra na papiamentu ku tur tur hende ta skirbi robes. Bo sa ta kua?
64. Tur hende ta kumpra mi pa kome. Tòg niun hende no ta kome mi. Kiko mi ta?
65. Un tata i un yu tabata den un aksidente di outo. Ambulans a hiba nan hòspital. Ora nan a yega hòspital, e dòkter a mira e mucha i a grita: “Hesusea! Ta mi yu!”. Kon por ta?
66. Kiko ta yora mas duru ku un beibi?
67. Kiko bo ta mira na final di tur regenbog?
68. Kua banda no ta toka muzik?
69. Dikon galiña ta pone webu?
70. Unda ta e mihó kaminda pa siña landa?
71. Kon yama un búmeran (boemerang) ku no ta bini bèk?
72. Na kua idioma e dos Papanan di Roma ta resa ora nan ta huntu?
73. Kiko bo ta mira den kuminsamentu i kabamentu di aña, pero nunka meimei di aña?
74. Ryan i Bryan ta ruman. Nan tin mesun mama i tata. Nan a nase den mesun kamber, riba mesun dia. Pero Bryan a nase 6 minüt despues di Ryan. Tòg nan no ta oochi. Kon por ta?
75. Nan a kaba di traha 100 kas den Kaya Sòldachi. E fèrfdó ta bai fèrf e numbernan di kas riba e portanan. Riba e promé porta e ta fèrf 1, riba e di dos 2, riba e di tres 3, i asina e ta sigui te na e último kas. Kuantu biaha e fèrfdó tin ku fèrf e sifra 9 riba e portanan?
76. Kiko por kore sin move?
77. Tin dies piská den un akuario. 4 ta hoga, 3 ta landa bai i 2 ta muri. Kuantu piská tin den e akuario awor?
78. Kua kabai no por kore duru?
79. Bo por tum’é, bo por pèrd’é. E no ta para warda bo, pero bo por bai kuné sí. Kiko e ta?
80. Ora mi ta sinti kalor mi ta bai traha i ora mi ta sinti friu mi ta liber. Kiko mi ta?
81. Ami tin dos, Tanisha tin tres, Veronica tin kuater i Anna-Maria sinku. Kiko mi ta kontando?
82. Si un pingwin den un parke di bestia ta kome 10 kilo di piská pa dia, kuantu kilo di piská un pingwin di nortpol ta kome den 10 dia?
83. Shon Polita a biba 32 aña na Aruba. Promé ku esei el a biba 12 aña na Saba. Awor e ta biba na Rincon, Boneiru. Dikon no por der’é legalmente na Kòrsou?
84. Kuantu apel bo por kome riba stoma bashí?
85. Kiko ta patapata di suku, pero no ta smak zut?
86. Kiko ta pasa ku un djamanta ora bo tir’é den awa?
87. Ki ora 2+2 ta 5?
88. Kua parti di bo kurpa ta bira mas grandi den skuridat?
89. Mi ta un órgano úniko pasó mi mes a skohe mi nòmber. Kua órgano mi ta?
90. Un lòlipòp i un bals ta kosta 1 florin ku 10 sèn. E lòlipòp ta un florin mas karu ku e bals. Kuantu pa e bals?
91. Mi ta eksistí solamente ora tin lus, pero mi mes no por ku lus. Ken mi ta?
92. Janeska ta lesando un buki ku el a kaba di haña di regalo. E buki tin 146 página i e ta na ingles. E buki ta difísil, pero e ke sigui les’é. Awor e ta na página 32. Unda el a kuminsá lesa?
93. Kon yama un pòpchi di sneu bieu na papiamentu?
94. Kiko Adam tin dilanti ku Eva tin patras?
95. Mi kurpa ta tur na lana, mi tin 3 pata, 2 nanishi i un kabes plat plat. Kiko mi ta?
96. Mañan no ta djárason ni djaweps. Ayera no tabata djabièrnè ni djaluna. Awe no ta djasabra ni djamars. Ki dia awe ta?
97. Kua shelu no tin strea?
98. Sulviënne ta bisa:
“Tur mi yunan tin un tèblet, eksepto dos.
Tur mi yunan tin un iPhone, eksepto dos.
Tur mi yunan tin un lèptòp, eksepto dos.”
Kuantu yu Sulviënne tin?
Kues i wega na papiamentu:
Ortografia
Vokabulario
Di tur un poko
Kontesta
1. Awaseru
2. Bo man robes
3. Tur hende, pasobra un kas (ariba ku abou) no por bula.
4. Webu
5. Bela
6. Nan ta tres hende. Un tawela (e promé tata), e tawela su yu (esaki ta e di dos tata i e promé yu), e tawela su ñetu (e di dos yu).
7. Dos: banda paden i banda pafó.
8. Skèr
9. Tur luna tin (por lo ménos) 28 dia.
10. Bo nòmber
11. Lèter m
12. Charada
13. Lèter w
14. Sombra
15. Tempu
16. Tur dos ta pisa 1 kilo.
17. Pasobra áwaseru no ta kai.
18. Lèter a
19. Solo
20. Alfabèt
21. 5 yu
22. T’ami mes.
23. Fli
24. Lèter s
25. Anasa
26. Niun hende no ta gaña. E dòkternan ta muhé i Quincy ta nan úniko ruman hòmber.
27. Lèter a
28. Edat
29. Kandela
30. E ta hungando dam ku Raiza. (Bo no por hunga dam bo so.)
31. Lèter a
32. David
33. Nilo ta barbero.
34. Biña no ta krese.
35. Un mapa
36. Mesa, kama, stul
37. Awe
38. 1. Despues ku bo hinka un webu, e makutu no ta bashí mas.
39. Futuro
40. Bo tata
41. Mount Everest mes. Promé ku a deskubrié, e tabata eksistí kaba.
42. Karbon
43. No ta un pregunta. E palabra kiko tin 4 lèter, e palabra(nan) tin biaha tin 8 lèter i e palabra nunka tin 5 lèter.
44. Skèr
45. Kusinchi
46. Stampia
47. Paraplü
48. Hanskun
49. Awa
50. Sèn / Tempu
51. Jaguar ta un outo. Bo por kore drenta e outo 🙂
52. E porta di outo.
53. Spil
54. Un pa un.
55. Dou
56. Ambulans no ta paga kandela.
57. 10 minüt
58. 5 dede / 4 dede i un dùim
59. 57 aña
60. Kandela, blas
61. E bòm mes.
62. E ta pisa karni.
63. E palabra robes
64. Kuchú, fòrki, kuchara, tayó.
65. E dòkter ta e mama.
66. Dos beibi
67. Lèter g
68. Otrobanda
69. Pasó si nan tira e webunan, nan ta kibra.
70. Den awa
71. Un (pida) palu
72. Tin solamente un Papa di Roma
73. Lèter a
74. Kontesta 1: nan no a nase na mesun aña. Kontesta 2: nan ta triyiso.
75. 20 biaha. 9, 19, 29, 39, 49, 59, 69, 79, 89, 90, 91, 92, 93, 94, 95, 96, 97, 98, 99.
76. Nanishi
77. Dies. Piská no por hoga ni landa bai. Ora nan muri nan ta keda den e akuario.
78. Kabai di awa
79. Tempu
80. Her’i strika / Lusafé, suafel / Karbon etc.
81. Sílaba
82. No tin pingwin na nortpol.
83. Pasobra Shon Polita ta na bida ainda.
84. 1. Ora bo kaba di kome e promé apel bo stoma no ta bashí mas.
85. Pòch’i suku / Sak’i suku
86. E ta muha
87. Nunka
88. Pretu di wowo / Pòpchi di wowo
89. Serebro
90. 5 sèn
91. Sombra
92. Página 1
93. Awa
94. Lèter a
95. Un gañadó
96. Djadumingu
97. Shelu di boka
98. 3 yu